Óndiristerde bolǵan qaıǵyly oqıǵalar boıynsha 1,2 mlrd. teńge ótemaqy tólendi - G. Ábdihalyqova
ASTANA. 26 sáýir. QazAqparat - 2010 jyly óndiriste alynǵan zalal shyǵyndaryn óteý úshin 52 mlrd. teńge jumsaldy.
Bul týraly búgin Dúnıejúzilik eńbekti qorǵaý kúnine oraılastyrylǵan KIOSH 2012 konferentsııasy barysynda QR Eńbek jáne halyqty áleýmettik qorǵaý mınıstri Gúlshara Ábdihalyqova málim etti.
«Qyzmetkerlerdiń eńbek jaǵdaılarynyń aınalasyndaǵy qolaısyz ahýal mańyzdy ekonomıkalyq shyǵyndarǵa ákelip soǵady. Qazirgi ýaqytta 600 myńnan astam jumysker ótemaqy alady. Atalǵan maqsattarǵa 2010 jyly 52 mlrd. teńge jumsaldy. Bul 2011 jylmen salystyrǵanda 30 paıyzǵa kóp», - deıdi mınıstr.
Onyń aıtýynsha, óndiriste oryn alǵan qaıǵyly oqıǵalar saldarynan materıaldyq shyǵyn kólemi de artqan. Oǵan ketken qarjynyń jalpy somasy 1,2 mlrd. teńgeden asyp otyr.
Eske sala keteıik, búgin Astanada KIOSH 2012 eńbekti qorǵaý jáne óndiristik qaýipsizdik jónindegi ІІ Halyqaralyq konferentsııasy men kórmesi ótýde.
Іs-shara Dúnıejúzilik eńbekti qorǵaý kúnine oraılastyrylǵan jáne Qazaqstanda óndiristerde bolatyn qaıǵyly oqıǵalardyń sanyn azaıtý maqsatynda uıymdastyryldy. Eki kúnge jalǵasatyn shara barysynda sala mamandarynyń qatysýymen semınarlar uıymdastyrylmaq.
