Óndiristegi jaraqat týraly eńbek ınspektsııasy boıynsha jergilikti organdardyń málimetteri tolyq emes

ASTANA. QazAqparat - Óndiristegi jaraqat týraly eńbek ınspektsııasy boıynsha jergilikti organdar usynǵan málimetter tolyq bolmaıdy. Bul týraly búgin QR Parlamenti Májilisi Áleýmettik-mádenı damý komıteti men «Nur Otan» partııasy Fraktsııasynyń janyndaǵy Óńirlik saıasat jáne máslıhattarmen jumys jónindegi keńesiniń keńeıtilgen birikken otyrysynda QR Densaýlyq saqtaý jáne áleýmettik damý vıtse-mınıstri Dáýlet Arǵandyqov málim etti.

«Tekserýler nátıjesine súıensek, eńbek ınspektsııasy boıynsha jergilikti organdar usynǵan málimetter tolyq bolmaıdy. Eńbek kodeksiniń talaptaryna sáıkes, jumys berýshiler men densaýlyq saqtaý uıymdary eńbek ınspektsııasyn óndiristegi árbir jazataıym oqıǵa jaıynda habardar etýi tıis», - dedi mınıstrdiń orynbasary.

Óz kezeginde otyrys barysynda depýtat Ashat Bekenov túrli vedomstvolardyń málimetteri boıynsha óndiristik jaraqat alý kórsetkishteri sáıkes kelmeıtindigin atap ótti.