Óndiristegi oqys oqıǵalardy azaıtatyn pılottyq joba iske qosyldy

NUR-SULTAN. QazAqparat - Tótenshe jaǵdaılar mınıstrligi men «Qazmyrysh» JShS ónerkásiptik qaýipsizdikti baqylaıtyn tsıfrlyq jobany iske qosty, dep habarlaıdy QazAqparat.

Vedomstvonyń málimetinshe, pılottyq joba kásiporynnyń qaýipti óndiristik nysandaryndaǵy ónerkásiptik qaýipsizdiktiń jaı-kúıin «Ónerkásiptik qaýipsizdik ınspektory» aqparattyq júıesine ornalastyrady. Bul metallýrgter men kenshilerdiń óndiristik alańdarynda qaýipsizdik monıtorıngin onlaın rejımde júzege asyrýǵa múmkindik beredi.

«Aqparattyq júıe qaýipti óndiristik nysandarda memlekettik qadaǵalaýdyń negizgi mindetin iske asyrýǵa, adam ómiri men densaýlyǵyn qorǵaýdy qamtamasyz etýge, óndiristegi avarııalyq jaǵdaılardyń, oqys oqıǵalardyń jáne jaraqattanýdy barynsha azaıtýǵa jáne boldyrmaýǵa múmkindik beredi», - delingen habarlamada.

Aıta keteıik, bıylǵy birinshi toqsanda qaýipti óndiristik obektilerge 446 tekserý júrgizildi, onyń ishinde 218-i erekshe tártip boıynsha, 228-i jospardan tys júzege asty.