Óndiristegi adam ólimine jaýapkershilik basshyǵa júktelýi tıis – depýtat shahtadaǵy apat jaıynda
«Tótenshe jaǵdaılar mınıstrliginde «Arselordyń» («ArselorMıttal Temirtaý») birinshi basshysy emtıhan tapsyrýǵa mindetti. Myna jaıttan keıin odan emtıhan alýdyń qajeti joq. Sonda ol erteń jumys istemeıtin bolady. Buǵan qosa, qylmystyq jáne ózge de jaýapkershilik bar. Munan ózge joldy kórip turǵanym joq. Shyndyǵynda, bul basshylyqtyń jaýapkershiligi», - dedi ol «Habar 24» telearnasynyń tikeleı efırinde.
Sonymen qatar depýtat eńbek qaýipsizdigine jaǵdaı jasaý barysyn qarjylandyrý jáne ınvestıtsııalaý máselesi de problemaly ekenin basa aıtty.
«Ár ýaqytta jańǵyrtýǵa 3 mlrd dollar salynatynyn aıtady. Sodan soń úzilisten keıin 10 jylǵa deıdi. Demek, jylyna 300 mln dollardan bolǵany ma? Biraq, bul onsyz da josparly, olar júzege asyrýǵa tıis salym ǵoı», - dedi Májilis depýtaty.
Onyń atap ótýinshe, belgili bir kezeńde zańnamadan óndiris saldarynan adam qaza tabatyn bolsa, onda jumys berýshi 10 jyldyq jalaqyny tóleýi tıistigi týraly norma zańnamadan alynyp tastalǵan.
«Búginde «Arselor» muny solaı jasaıdy. Alaıda, 10 jyldyq jalaqy az. Eger biz adam ómirin osyndaı arsyzdyqpen baǵalasaq, onda olar úshin adam ólimi ekonomıkalyq turǵyda tıimsiz bolatyndaı jasaýymyz kerek», - dedi ol.
Albert Raý qaıǵyly jaıtqa «ArselorMıttal Temirtaý» AQ óndirisinde adam ólimine jol berilmeıtini týraly únemi ýáde alyp kelgen Qazaqstan Úkimetiniń de belgili bir deńgeıde kinási bar ekenin alǵa tartady.
«Biz olardyń jetegine erip otyrǵanymyz joq. Degenmen, olarǵa senip, ekologııany jaqsartamyz degen ýádesin alamyz. Ár ýaqytta karta jazylady. Al qalada, kombınatta demalatyn aýa joq. Erteń bolady deý birinshi márte osylaı jyldarǵa sozylyp otyrǵan joq», - dedi Albert Raý.
Esterińizge sala keteıik, búgin túnde «ArselorMıttal Temirtaý» AQ kómir departamentiniń Lenın atyndaǵy shahtasynda apat bolyp, saldarynan 5 kenshi qaza tapty.
TJ faktisi boıynsha QR QK 277-babynyń 3-bóligi boıynsha qylmystyq is qozǵaldy.
Qaraǵandy oblysynyń ákimdigi Lenın atyndaǵy shahtada qaza bolǵandardyń tizimin jarııalady.
Foto: leninsk-kuz.ru
