Óndiriste jaraqat alǵan adamǵa jumys berýshi qandaı ótemaqy tóleýge mindetti
«Qazaqstan Respýblıkasynyń zańy boıynsha, ár jumys berýshi qol astyndaǵy jumysshylardyń bárin mindetti túrde qaıǵyly jaǵdaılardan saqtandyrý kerek. Biraq keıbir mekemeler óz jumysshylaryna mindetti saqtandyrý jasamaıdy», - dedi ol ortalyq kommýnıkatsııalar qyzmetinde ótken brıfıngide.
Onyń sózinshe, jumysshylaryn óndiristik jaraqattardan saqtandyrý jumys berýshilerdiń ózderi úshin tıimdi.
«Jumysshylaryn óndiristik jaraqattardan saqtandyrmaǵan mekemelerdiń basshylary Azamattyq kodekstiń 938-baby boıynsha eńbek ornynda zardap shekken jumysshynyń densaýlyǵy men áleýmettik jaǵdaıyna qaraı onyń emdelý shyǵyndary men áleýmettik mindettemelerin moınyna alady. Qandaı dári-dármek kerek, onyń asyraýynda adamdar boldy ma, osynyń bárina kerekti qarajatty jumys berýshi ózi tóleıdi.
Al jumys berýshi jumysshylardy saqtandyrǵan bolsa, mindettemelerdiń bári saqtandyrý kompanııalaryna júkteledi», - dedi Tólegen Ospanqulov.
