Óndiriste qaza bolǵan áıeldiń týystaryna saqtandyrý kompanııasy 3,6 mln.teńgeden astam aqsha tóledi - QR Bas prokýratýrasy
TANA. 22 qyrkúıek. QazAqparat - Prokýratýra organdarynyń aralasýynan keıin ǵana saqtandyrý kompanııasy óndiriste qaza bolǵan áıeldiń týystaryna 3,6 mln. teńgeden astam aqsha tóledi, dep habarlady QR Bas prokýratýrasynyń baspasóz qyzmeti.
«Almaty qalasynyń prokýratýrasy azamat Zınaldyń ótinishin tekserý barysynda, onyń áıeli «Mehservıs-grýpp» JShS-da jumys istep júrgen kezde, osy kásiporynda qaza bolǵanyn anyqtady. Onyń kámeletke tolmaǵan eki balasy qaldy», - delingen habarlamada.
«Tekserý barysynda málim bolǵandaı, «Mehservıs-grýpp» JShS men «Saıa» saqtandyrý kompanııasy arasynda jumys berýshiniń jaýapkershiligi boıynsha saqtandyrý sharty jasalǵan, oǵan sáıkes kásiporyn qyzmetkerine baqytsyzdyq jaǵdaı týyndaǵan kezde saqtandyrý kompanııasy qaza bolǵan qyzmetkerdiń otbasyna tólem jasaýy mindettelgen. JShS saqtandyrý uıymyna qaıǵyly oqıǵa týraly habarlama jibergen. Alaıda kompanııa tórt aıdan astam ýaqyt boıy saqtandyrý tólemderin júzege asyrý máselesin sheshpegen», - dep atap ótedi vedomstvo.
Sondyqtan da prokýratýra zańdylyqtyń buzylýyn joıý jóninde talap qoıyp, «Memlekettik annýıtet kompanııasy» ómirdi saqtandyrý kompanııasy» AQ-dan 3 654 309 teńgeni qaıtys bolǵan áıeldiń otbasyna tóleý jóninde uıǵarym shyǵardy, saqtandyrý kompanııasy bul sheshimdi oryndaýǵa májbúr boldy.
