Óndiriske ınnovatsııany engizý óte qıyn jumys - Vıktor ıAkovchýk
ALMATY. 25 mamyr. QazAqparat /Erlik Erjanuly/ - Qazaqstanda ınnovatsııalyq damý baǵdarlamasy boıynsha 2014 jyly ınnovatsııalyq ónimder shyǵarýdyń úlesi jalpy ishki ónimde 14 paıyzdy quramaq. Bul búgin Almatyda ótip jatqan «Jahandyq jańarý jaǵdaıynda TMD elderindegi ınnovatsııalyq ekonomıkanyń damýy» dep atalatyn halyqaralyq konferentsııada aıtyldy.
«Innovatsııany engizýde ekonomıkada naqty nátıjege qol jetkizý úshin biz ǵylymı bazadan óndiris pen satýǵa deıingi barlyq kezeńnen ótýimiz kerek. Kóp jaǵdaıda kásipkerler naqty bir ǵana ónimderdi shyǵaratyn jabdyqty satyp alady. Eger naryq ónimniń pishini men úlgisinde ózgeristerdi qajet etse oǵan beıimdelýde óndiristi keńeıtý men jańartý kezinde múmkindiktiń shekteýliliginen ártúrli qolaısyzdyqtarǵa kezigip jatady. Sondyqtan olardyń satyp alǵan tehnologııasy men qural-jabdyǵyn ınnovatsııa deýge bolmaıdy", - deıdi Reseıdiń Innovatsııalyq damý ınstıtýtynyń Bas dırektory Vıktor ıAkovchýk. Onyń aıtýynsha, eger bul tehnologııa men qural-jabdyq otandyq ǵalymdardyń ınnovatsııasy bolsa olar óndiristiń ornyqty túrde damýyn qamtamasyz etýge múmkindik alady. Óıtkeni sheteldik kásiporyndar eshqashan óz básekelesterine ózderiniń eń jańa ozyq tehnologııasy men qural-jabdyǵyn satpaıdy. Satqan jaǵdaıda olar jergilikti shıkizatty óńdeýge arnalǵandyqtan qural-jabdyqtyń qosalqy jabdyqtaryn satyp alýda da olarǵa táýeldi bop qalady. Mundaı jaǵdaıda ekonomıkalyq tıimdilik joǵary bolmaıdy.
