Óndiris alpaýyttarynyń monoqalalar taǵdyry úshin jaýapkershiligin arttyrý qajet - Parlamenttik tyńdaý

ASTANA. QazAqparat – Senattyń Ekonomıkalyq saıasat, ınnovatsııalyq damý jáne kásipkerlik komıtetiniń hatshysy Serik Shaıdarov óńirlerdi damytý jónindegi Parlamenttik tyńdaýda monoqalada ken óndiretin kompanııalardy qosylǵan quny joǵary ónim shyǵarýǵa mindetteýdi usyndy, dep habarlaıdy QazAqparat tilshisi.

«Monoqalalarda taý-ken, munaı-gaz, metallýrgııa, hımııa salalarynyń iri kásiporyndarynyń basym bóligi shoǵyrlanǵanyn eskere otyryp, olardyń monoqalalar taǵdyry úshin jaýapkershiligin arttyrý qajet. Mundaı kásiporyndardyń eksport jáne óndiris saıasatyna qosylǵan quny joǵary ónim assortımentin keńeıtý baǵytyndaǵy orta merzimdi jáne uzaq merzimdi jospar ázirleý mindettemelerin engizý qajet dep sanaımyz», - dedi Senat depýaty.

Onyń sózinshe, bul talap «Ónerkásiptik saıasat týraly» zań aıasynda iske asýy kerek.

«Mundaı qadam jumyspen qamtý deńgeıin, kiristerdi, halyqtyń ómir súrý deńgeıin arttyrý isinde asa mańyzdy. Saıyp kelgende, barlyq qazaqstandyqtar úshin ulttyq baılyqty ádil bólýge yqpal etedi», - dedi Serik Shaıdarov.