Óńdeýshi ónerkásipterde sheteldik tikeleı ınvestıtsııa artyp otyr - Áset Isekeshev
Bul týraly búgin Úkimet otyrysynda Qazaqstandaǵy shıkizattyq emes sektorǵa ınvestıtsııa tartý boıynsha ulttyq jospar turǵysynda baıandama jasaǵan Premer-Mınıstrdiń orynbasary Áset Isekeshev málim etti.
«Metallýrgııa salasyna baǵyttalǵan sheteldik tikeleı ınvestıtsııa 12 paıyzǵa artty. Bul qara metallýrgııaǵa ınvestıtsııa kóleminiń 2 ese kóbeıýine baılanysty bolyp otyr. Sondaı-aq, sheteldik ınvestıtsııa kólemi elektr jabdyqtarynyń óndirisinde 16 paıyzǵa ósip otyr»,-dedi Á. Isekeshev.
Onyń sózine qaraǵanda, TMD elderiniń arasynda Reseıden keıin Qazaqstan sheteldik tikeleı ınvestıtsııa tartý boıynsha ekinshi orynda tur. «Ótken jyly Qazaqstanǵa 5 myńǵa jýyq sheteldik ınvestorlar keldi. Al bıylǵy jyldyń 8 aıynda 10 myń sheteldik ınvestorlar elimizde bolyp qaıtty.
