Óńdeýshi ónerkásipke sheteldik ınvestıtsııalar aǵyny 2 mlrd. 900 mln. dollardy qurady - Á. Isekeshev
Bul týraly búgin Májiliste «2010-2014 jyldarǵa arnalǵan Údemeli ındýstrııalyq-ınnovatsııalyq damý baǵdarlamasyn iske asyrý barysy» taqyrybynda ótken Úkimet saǵatynda Indýstrııa jáne jańa tehnologııalar mınıstri Áset Isekeshev málim etti.
Mınıstrdiń aıtýynsha, Údemeli ındýstrııalyq-ınnovatsııalyq damý baǵdarlamasyndaǵy basty mindetterdiń biri ınvestıtsııa tartý bolyp tabylady. «Búgingi jahandyq jaǵdaı asa kúrdeli. Sondyqtan da, jetekshi memleketterdiń bári tikeleı sheteldik ınvestıtsııalar úshin kúreske túsip jatyr. Investorlardyń ózi de qubylmaly. Osy úshin biz bul jumysty júıeli túrde qolǵa alyp otyrmyz», - deıdi mınıstr. Onyń aıtýynsha, Qazaqstannyń shıkizattyq emes sektorynyń tartymdylyǵy úshin Investıtsııalardy tartý jónindegi ulttyq jospar qabyldanǵan.
«Sońǵy jyldary eldegi óńdeýshi ónerkásipke ınvestıtsııanyń qalaı kelgenin kórip otyrsyzdar. 2008 jyly bul 1 mlrd. 900 mln. dollar bolsa, qazirgi tańda 2 mlrd. 900 mln. dollarǵa jýyqtap otyr. ıAǵnı, kórshiles elderde kapıtaldyń keri qaıtýy oryn alyp otyrǵanda, Qazaqstannyń óńdeýshi sektorynda kerisinshe tartymdylyq kórinis berýde», - deıdi Á. Isekeshev.
Onyń aıtýynsha, osy maqsatta 31 halyqaralyq bıznes-forým, 5 roýd-shoý ótkizilip, onyń sheńberinde 20,3 mlrd. dollar somasyndaǵy memorandýmǵa qol qoıylǵan. «Arnaıy veb-saıt quryldy. Sonyń arqasynda sheteldik ınvestorlar Qazaqstanǵa kelmeı-aq elimizdiń múmkindigin ınternet arqyly baqylap, oǵan qyzyǵýshylyq tanyta alady. Osy saıtqa kirýshiler sany 160 elden 95 adamdy qurady», - dedi mınıstr.
