Óńdeýshi ónerkásip ónimderi memlekettik mekemeler tarapynan aıtarlyqtaı suranysqa ıe
ASTANA. 14 mamyr. QazAqparat/Aınur Kenebaeva/ - Búgin jýrnalısterge arnalǵan semınar barysynda «Elektrondyq kommertsııa ortalyǵynyń» mamandary «Elektrondyq memlekettik satyp alý» avtomattandyrylǵan aqparattyq júıesi negizinde ótkizilgen konkýrs qorytyndylaryn jarııa etti.
2010 jyldyń qorytyndysy boıynsha, Elektrondyq memlekettik satyp alý» avtomattandyrylǵan aqparattyq júıesi negizinde júzege asyrylǵan elektrondyq pishimdegi konkýrsqa qatysqan lottardyń ishinde óńdeýshi ónerkásip ónimderi memlekettik mekemeler tarapynan eń úlken suranysqa ıe ekendigi belgili boldy.
Ortalyq mamandary málim etkendeı, «Óńdeýshi ónerkásip ónimderi» sanaty boıynsha 3,5 mln lot satyp alynǵan. 200 myńǵa jýyq lot aýyl, orman jáne balyq sharýashylyqtaryna, 100 myńnan astam lot aqparat pen baılanys qyzmetine tıesili bolǵan. Jappaı jáne bólshek saýda qyzmetine qatysty lottar 80 myńdy quraǵan.
Ortalyq mamandarynyń pikiri boıynsha, memlekettik mekemelerdiń suranysy men tapsyrysyna baqylaý júrgizý otandyq kásipkerlerge konkýrsqa qatystyrylatyn taýar men ónim usynysyn josparlaý isinde septigin tıgizedi.
