Óńdeýshi kásiporyndarda astyq jetispeıdi degen áńgime negizsiz - Saparhan Omarov

ASTANA. QazAqparat - Óńdeýshi kásiporyndarymyzda astyq jetispeıdi degen áńgime negizsiz. Bul týraly búgin Úkimet úıindegi baspasóz máslıhatynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

"Búgingi kúni respýblıkada 10,5 mln astyq bar. Onyń ishinde elevatorlarda 3,7 mln tonna, un shyǵaratyn kásiporyndarda 462 myń tonna, sharýashylyqtarda 6,3 mln tonna astyq bar. Qazirgi kezde astyqty esepteý syzbasy da tsıfrlandyrylǵan, elektrondy túrde júrgiziledi",- dedi ol.

Mınıstrdiń dereginshe, memlekette 8,3 mln tonna bıdaı bar. Onyń 690 myń tonnasy azyq-túliktik baǵdarlamada qoldanylady. Shamamen 1,6 mln tonnasy tuqymdy astyq sanalady. Óńdeýge 128 myń tonna astyq josparlanǵan.

"Búgingi kúni eksportqa shyǵaramyz dep josparlap otyrǵan astyǵymyzdyń kólemi 2,2 mln tonnany quraıdy. Osynyń barlyǵyn eseptesek, búgingi kúni bizde 2,9 mln tonna ótpeli qaldyq bolady. Sondyqtan óńdeýshi kásiporyndarymyzda astyq jetispeıdi degen áńgime durys emes. Búgingi kúni astyq jetkilikti", - dedi S.Omarov.