Óńdeý ónerkásibi salasynda oń dınamıka qalyptasty – Úkimet basshysy
«Memleket basshysynyń Joldaýyna jáne «Nur Otan» partııasynyń baǵdarlamasyna sáıkes Úkimetke 2025 jyly óńdeý ónerkásibiniń óndirisin 1,5 ese arttyrý mindeti belgilendi. Salada oń dınamıka qalyptasty. Ótken jyldyń qorytyndysy boıynsha ósý 3,9 paıyzdy qurady. Bul rette jalpy ishki ónim qurylymynda óńdeý ónerkásibiniń úlesi 12,7 paıyzǵa ósti», - dedi Úkimet basshysy.
Onyń dereginshe, Indýstrııalandyrý kartasynyń aıasynda shamamen 1 trln teńgege 201 joba engizildi. 19 myńǵa jýyq turaqty jumys orny, onyń 7 myńnan astamy aýyldyq jerler men monoqalalarda quryldy. Óńdeý sektorynyń óndirýshilerine shamamen 300 mlrd teńgege memlekettik qoldaý sharalary kórsetildi. Bul óndiristiń, ınvestıtsııalar men eksport kóleminiń ósýine yqpal etti.
«Salanyń damýyna «qarapaıym zattar ekonomıkasy» salalaryna jeńildikpen kredıt berý mehanızmi oń áser etti. Onyń aıasynda búgingi tańda 700 mlrd teńgeden astam somaǵa shamamen 3 myńǵa jýyq joba qarjylandyryldy. Osy jumystyń barlyǵyn belsendi túrde jalǵastyrý kerek», - dedi Asqar Mamın.
Premer-Mınıstr «Ónerkásiptik saıasat týraly» Zań jobasy Parlament Májilisiniń qaraýyna engizilgenin, ol básekege qabiletti jáne joǵary tehnologııalyq ónerkásipti qalyptastyrýǵa baǵyttalǵanyn atap ótti.
«Indýstrııa mınıstrligi ony ilgeriletýdi qamtamasyz etýi kerek», - dedi ol.
