Qazaqstan ekonomıkasy shıkizattyq emes salalardyń turaqty damýy esebinen 4,1%-ǵa ósti
ASTANA. KAZINFORM — Ulttyq statıstıka bıýrosynyń deregi boıynsha, 2026 jylǵy birinshi jartyjyldyqtyń qorytyndysy boıynsha Qazaqstanda JІÓ naqty ósýi qańtar-mamyrmen salystyrǵanda 0,4 paıyzdyq tarmaqqa jedeldep, 4,1%-ǵa jetti.
Ósýdiń negizgi draıveri munaıǵa jatpaıtyn sektor bolyp qala beredi. Ulttyq ekonomıka mınıstrliginiń baǵalaýy boıynsha onyń ósýi 5% - dan asady. Ótken jylǵy sáıkes kezeńmen salystyrǵanda munaı óndirý kóleminiń 8,4% - ǵa tómendeýine qaramastan, ekonomıkanyń naqty sektory 5,1% - ǵa, qyzmet kórsetý salasy 3,5% - ǵa ósti.
Ekonomıka shıkizatqa jatpaıtyn sala esebinen ósýdi jalǵastyryp otyr. JІÓ ósiminiń 80% - dan astamyn damýdyń eń joǵary qarqynyn saqtaıtyn óńdeý ónerkásibi, qurylys, saýda jáne kólik qamtamasyz etti.
Qurylys ósý qarqyny boıynsha kóshbasshy bolyp qala beredi. Birinshi jartyjyldyqta oryndalǵan qurylys jumystarynyń kólemi 15,2% - ǵa ulǵaıdy. 8,5 mln sharshy metr turǵyn úı paıdalanýǵa berildi. Bul ótken jylǵy sáıkes kezeńmen salystyrǵanda 6,7% - ǵa artyq.
Óńdeý ónerkásibinde óndiris kólemi 9,8% - ǵa ósti. Alty aıdyń qorytyndysy boıynsha shyǵarylǵan ónim kólemi 16,2 trln teńgege jetti. Bul taý-ken óndirý salasynyń kórsetkishinen joǵary. Shamamen 15,9 trln teńge.
Óńdeý ónerkásibiniń 40% - dan astamyn quraıtyn metallýrgııadaǵy óndiristiń ósý qarqynynyń tómendeýine qaramastan, óńdeý sektorynyń ósýin basqa óndirister qamtamasyz etti. Daıyn metall buıymdaryn shyǵarý 39,9% - ǵa, avtomobılder 31,6% - ǵa, farmatsevtıkalyq ónimder 43,6% - ǵa, hımııalyq ónimder 20,7% - ǵa, rezeńke jáne plastmassa buıymdary 21,8% - ǵa, qurylys materıaldary 14,1% - ǵa, tamaq ónimderi 14,7% - ǵa ulǵaıdy.
Ekonomıkanyń basqa salalarynda da oń dınamıka saqtalýda. Saýda kólemi 5,7%-ǵa, aýyl sharýashylyǵy 4,4% - ǵa, baılanys qyzmeti 4,3% - ǵa ósti.
Kólik-logıstıka salasy 7,1% - ǵa ósti. Ósim qosalqy kólik qyzmetiniń 14% - ǵa artýymen, temir jol júk tasymaly kóleminiń 4,9% - ǵa jáne avtomobıl júk tasymaly kóleminiń 11,4% - ǵa ulǵaıýymen qamtamasyz etilgen.
Joǵary ınvestıtsııalyq belsendilik saqtalýda. Negizgi kapıtalǵa salynǵan ınvestıtsııa 9,6% - ǵa ósti. Eń eleýli ósim aqparat jáne baılanys salasynda. Ol 2,3 esege, elektrmen jabdyqtaý 61,4%-ǵa, óńdeý ónerkásibi 33,3%-ǵa, aýyl sharýashylyǵy 24,6%-ǵa jáne kólik 11,6%-ǵa baıqaldy.
Osylaısha, shıkizatqa jatpaıtyn salalardyń qarqyndy damýy men joǵary ınvestıtsııalyq belsendilik Qazaqstannyń ekonomıkalyq ósýiniń turaqty negizin qalyptastyrýdy jalǵastyrýda.
Aıta ketelik bazalyq mólsherleme ázirge tómendemeıdi.
