Óńdelgen taýardyń úshten eki bóligi shetelden keledi
«Qazaqstannyń aldynda turǵan asa mańyzdy mindet – ónerkásiptik áleýetimizdi tolyq paıdalaný. Osy saladaǵy tabystarymyzǵa qaramastan ishki naryqtyń zor múmkindikterin áli de tolyqqandy júzege asyra almaı kelemiz. Óńdelgen taýarlardyń 2/3 jýyǵy shetelden ákelinedi. Ulttyq ekonomıkanyń strategııalyq qýatyn arttyrý úshin tez arada qaıta óńdeý isiniń jańa salalaryn damytý qajet. Bul qara jáne tústi metallýrgııa, munaı hımııasy, kólik qurastyrý jáne mashına jasaý, qurylys materıaldary men azyq-túlik óndirý jáne basqa da salalardy qamtıdy», - dedi Prezıdent.
Sapalyq turǵydan múlde jańa ulttyq ındýstrııany damytý úshin jańǵyrtylǵan zańnamalyq negiz qajet. Ónerkásipti retteý jáne oǵan qoldaý kórsetý máseleleri túrli zańnamalyq aktilerde kórinis tapqan. Biraq ortaq maqsat kórsetilmegen.
«Júzege asyrylatyn saıasat pen sharalar arasynda ózara baılanys joq. Sondaı-aq, jekelegen sektorlardy nemese salalardy retteıtin kóptegen zań bar. Mysaly Elektr energetıkasy týraly zań, Kólik týraly zań, Óńdeý ónerkásibin damytýdyń qaǵıdattaryn, maqsattary men mindetterin belgileıtin Ónerkásip saıasaty týraly birizdi zań jyl sońyna deıin ázirlenýi tıis. Ónerkáspke qoldaý kórsetýdiń naqty sharalaryn da jetildirý kerek. Bizde júıeli ári birtutas ustanym joq. Sonyń saldarynan sansyz kóp jobaǵa qarajatty ysyrap etip otyrmyz», - dedi Q. Toqaev.
