Óńdelgen aýylsharýashylyq óniminiń eksporty 707,1 mln dollardy qurady- A.Evnıev
ASTANA. QazAqparat - Bıylǵy jarty jylda Qazaqstanda óńdelgen aýyl sharýashylyǵy ónimderiniń eksporty 707,1 mln dollardy qurady. Bul ótken jylmen salystyrǵanda 13% kóp. Bul týraly búgin QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda aýyl sharýashylyǵy birinshi vıtse-mınıstri Arman Evnıev aıtty, dep habarlaıdy QazAqparat primeminister.kz saıtyna silteme jasap.
QR AShM derekteri boıynsha, osy jylyń 11 aıynda azyq-túlik ónimderin óndirý kólemi 1,7% artyp, 1,4 trln teńgege jetti.
2018 jyldyń qańtar-qarasha aılarynda 2017 jyldyń sáıkes kezeńimen salystyrǵanda un óndirisi - 2,7%, dándi daqyldar - 17,8%, margarın - 6,9%, shujyq ónimderi - 0,6%, óndelgen sút - 8%, qatty irimshik - 15,1%, óńdelgen jáne konservilengen jemister men jańǵaqtar - 82%, kreker jáne pechene óndirisiniń kólemi 5,1% artty.
«2018 jyldyń qańtar-maýsym aılarynda eńbek ónimdiligi $13,3 myń/adamdy qurady. Óńdelgen aýyl sharýashylyǵy ónimderiniń eksporty $707,1 mln boldy. Bul ótken kezeńmen salystyrǵanda 13% kóp», - dedi A. Evnıev.
