Ońdasyn Orazalın munaı-gaz kompanııasyna jergilikti azamattardy jumysqa alýdy tapsyrdy
Ońdasyn Orazalın Muǵaljar jáne Baıǵanın aýdandaryna jumys saparymen bardy. Aldymen «CNPS-Aqtóbemunaıgaz» AQ-nyń Jańajol gaz óńdeý zaýytyndaǵy jumyspen tanysty. Jylyna 7 mlrd tekshe metr gaz óndirýshi «CNPS-Aqtóbemunaıgaz» AQ-y óńirdegi Indýstrııalandyrý kartasyna engen eń iri kásiporyndardyń biri. Munda 1585 adam jumys isteıdi.
«Oblys basshysy Baıǵanın aýdanyndaǵy 2018 jyly iske qosylǵan «Gas Processing Company» JShS-niń jumysyn kórdi. Jylyna 300 mln tekshe metr kógildir otyn, 37 myń tonna tehnıkalyq propan-býtan qospasyn, 5400 tonna gaz kondensatyn, 10 500 tonna kúkirt shyǵarýǵa qýatty. 260-qa jýyq azamat jumyspen qamtylǵan. Óndiris orny tazartý, keptirý, ilespe munaı gazyn jan-jaqty daıyndaýmen aınalysady. Ońdasyn Orazalın «SNPS-Aqtóbemunaıgaz» AQ, «Gas Processing Company» JShS-niń basshylyǵyna qorshaǵan ortany barynsha lastamaýdy jáne kásiporynǵa jergilikti azamattardy kóptep jumysqa tartýdy tapsyrdy», - dep habarlady oblys ákiminiń baspasóz qyzmeti.
Aıta keteıik, budan keıin ákim Jańajol aýyldyq okrýginiń ortalyǵy Oımaýyt aýylynda baryp, mektep, balabaqsha, ambýlatorııa jumystaryn kórdi. Barlyǵy 40 oryndy «Oımaýyt» balabaqshasy alǵashynda mektep janyndaǵy ınternat maqsatynda salynǵan ǵımaratta ornalasqan. Ǵımarat 2006 jyly kúrdeli jóndeýden ótý barysynda balabaqsha bolyp ózgertilgen. Aýyl balalarynyń ýaqytyn tıimdi ótkizýine jaǵdaılar jasalǵan. Munda 6 pedagog jumys isteıdi.
Ońdasyn Orazalın S.Jıenbaev atyndaǵy orta mektebiniń jańa oqý jylyna daıyndyǵyn kórdi. 140 orynǵa arnalǵan mektep zamanaýı qural-jabdyqtarmen qamtylǵan. Bilim ordasy 2014 jyly kúrdeli jóndeýden ótip, qazirde 36 muǵalim qyzmet etedi. Oblys ákimi mádenıet úıinde oımaýyttyq turǵyndarmen kezdesip, aýyl máselelerin tyńdady.
