Ońdasyn Orazalın qaladan aýdanǵa qatynap jumys isteıtin ákimderge eskertý jasady
AQTÓBE. QazAqparat - Aqtóbe qalasynda turyp, aýdanǵa qatynap jumys isteıtin ákimder óńir basshysynyń synyna ilikti, dep habarlaıdy QazAqparat tilshisi.
Aqtóbede oblys ákimi Ońdasyn Orazalınniń tóraǵalyǵymen memlekettik organdardyń atqarýshylyq jumys tártibi qaraldy. Oblys ákimi apparatynyń basshysy Nurjaýǵan Qalaýovtyń aıtýynsha, osy jyldyń 16 naýryzynan 13 sáýirine deıin ártúrli memlekettik organdar 2 hattamanyń oryndaý merzimderin ótkizip alsa, 5 hattamalyq nusqaý oryndalmady. Mysaly, oblystyq jumyspen qamtýdy úılestirý jáne áleýmettik baǵdarlamalar basqarmasy memleket tarapynan qoldaý jáne kómekke muqtaj azamattarǵa áleýmettik tólqujattardy jınaý tapsyrmasye durys oryndaı almady. Basqarma basshysy Qaırat Otarov búgingi kúnge deıin jumystyń tek 21% oryndalǵanyn moıyndady.
«Ózderińiz ýaqytty belgilep, 18 naýryzǵa deıin aıaqtaıtyndaryńyzdy aıttyńyzdar. Áleýmettik turǵydan álsiz otbasylardy ǵana emes, áleýmettik pasporttardy jasaý óte mańyzdy jumys. Bolashaqta áleýmettik ál-aýqatty jaqsartý jáne tıimdi jumys isteý úshin oblysta turatyndardyń barlyǵynyń áleýmettik jaǵdaıy týraly qujat bolýy kerek. Al siz bastapqy bazany da jasaı almadyńyz. Ózderińiz belgilegen merzimge saı kelmegendikten, sizdiń josparlaýdy nemese jumys isteı almaıtynyńyzdy kórsetedi. Ekeýi da jazalanýǵa laıyqty», - dedi oblys ákimi O.Orazalın. Sondaı-aq bilim jáne densaýlyq saqtaý basqarmalarynyń basshylary Lázzat Orazbaeva men Áset Qalıevtiń de jumystary synǵa ushyrady. Olar basqaratyn memlekettik organdar memlekettik satyp alý týraly konkýrstyq qujattamany ýaqytynda usynbaǵan. Osyndaı buzýshylyqtar Aqtóbe qalasy ákimdiginiń qurylys, turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimderinde de jiberilgen.
Óńir basshysy baspasóz qyzmetiniń habarlaýynsha, Ońdasyn Orazalın ózderiniń jaýapty jumys oryndaryna Aqtóbeden qatynaıtyn aýdan ákimderin syn tezine aldy.
«Aqtóbede turyp, jumysqa qatynaıtyn aýdan ákimderi bar. Bul tájirıbe dereý toqtatylýy kerek. Sizge belgili bir eldi mekenderdi basqarýdy senip tapsyrdyq, bul siz jáne sizdiń otbasyńyz sol jerde turý kerek degendi bildiredi. Áıtpese, Siz aýyl turǵyndarynyń naqty máselelerin bile bermeısiz», - dep túsindirdi O.Orazalın.
Jıyn Aqtóbe qalasynyń 150 jyldyq mereıtoıyna daıyndyqty qarastyrýmen jalǵasty. Júrgizilgen jumystar týraly Іlııas Ispanov baıandady.
Baıandama qorytyndysy boıynsha oblys ákimi qala basshylyǵy jańa óndiristik jáne áleýmettik nysandardy ashýǵa, mádenı, oıyn-saýyq is-sharalaryn ótkizýge ǵana kóńil bólip, qalanyń abattanýy, tazalyǵy men syrt kelbeti týraly umytqanyn atap ótti.
«Sanıtarlyq tazalaý, kóshelerdi jaryqtandyrýdy qamtamasyz etý boıynsha jumystar nashar júrýde. Sondyqtan Aqtóbe turǵyndary bul týraly áleýmettik jelilerde jıi jazady. Joldardy tazalaısyz - jıegin qaldyrasyz. Aǵashtardy bir jerde otyrǵyzasyz, ekinshisinde otaısyz, búkil qalanyń aýasyn shań basty. Joldardyń jaı-kúıi, aryqtardyń jaǵdaıy eshqandaı syn kótermeıdi. Tipti, senbilikter sııaqty jaqsy is-sharalar da nashar júrgizilýde. Tazalaýdan keıin taý bop qoqys qalady, olar shyǵarylmaıdy. Sizdiń orynbasarlaryńyz munyń bárimen aınalysýy kerek. Olardyń jaýapkershiligin qarastyryńyz», - dep tapsyrdy qala ákimi Іlııas Ispanovqa óńir basshysy Ońdasyn Orazalın.
