Ondaǵan saıası tutqyn Bahreın túrmelerinen bosatyldy
ASTANA. 23 aqpan. QazAqparat - Bahreın bıligi túrmelerden kem degende 50 saıası tutqyndy oppozıtsııamen dıalog ornatý úshin bosatty.
Ásirese, Bahreın koroliniń otbasyna qarsy qastandyq uıymdastyrdy dep aıyptalǵan 23 belsendi shııt bostandyqqa shyqty. Soǵan qosa, el basshylyǵy shetelde turyp jatqyn oppozıtsııa basshylarynyń biri Hasan Mýshaımaǵa raqymshylyq jarııalady, - dep habarlady «Ál-Jazıra».
Oppozıtsııa ókilderi bul sheshimdi qoldady, alaıda Bahreın túrmelerinde ondaǵan nemese tipti júzdegen saıası tutqyndardyń otyrǵanyn alǵa tartady. «Biz bostandyqqa shyqqan adamdardyń naqty sanyn bilmeımiz. Bizdiń derekterge sáıkes, túrmelerde 600-den asa saıası tutqyn bolǵan, olardyń tek jartysy ǵana bostandyqqa jiberildi», - dedi oppozıtsııa ókilderiniń múddesin qorǵaǵan qorǵaýshy Mýhammed Tadjır.
Bahreın basshylyǵy túrmelerden oppozıtsııa ókilderin bostandyqqa jiberý arqyly elde jalǵasyp jatqan úkimetke qarsy sherýlerdiń múshelerimen dıalog ornatýǵa úmittenip otyr, dep habarlady «Interfaks».
