Ondaǵan myń qazaqstandyqtar Astanadaǵy tańǵajaıyp lazerli-jaryq shoýynyń kýási boldy

Jaryq shoýdy tamashalaýǵa jalpaq jurtpen birge Memleket basshysy Nursultan Nazarbaev, Qyrǵyzstan Prezıdenti Almazbek Atambaev pen Túrkııanyń burynǵy prezıdenti Abdýlla Gúl de keldi.

Uıymdastyrýshylar erekshe kórinisterge toly lazerlik qoıylym oılastyrǵan eken. Biregeı sharada eń sońǵy zamanaýı qondyrǵylar ornatylyp, kórermen qaýymǵa tańǵajaıyp mereke syılady. Ózenge ornatylǵan tuǵyrdan sımfonııalyq orkestr oınap, shoýdyń áserin arttyra tústi. Olar qazaqtyń halyq ánderi men zamanaýı klassıkalyq áýenderin oryndady. Sahnanyń aınalasyna sýburqaqtar qoıylyp, jańa lazerlik tehnologııalardyń kómegimen jarqyn beınerolıkter kórsetildi.