Onda Cero: «Real» Keın úshin Beıl men Maıoraldy beredi
ASTANA. QazAqparat - Eýropa fýtbolynda jańa transferlik jarylys bolýy múmkin. «Real Madrıd» klýby 2018 jylǵy transfer kezinde Londonnyń «Tottenhem» komandasynyń shabýylshysy Harrı Keındi satyp alýǵa nıettenip otyr.
Osy máselede habarlasqan madrıdtikterge «Tottenhem» prezıdenti Danıel Levı forvard úshin tólenetin soma 222 mln eýrodan az bolmaýy tıis ekenin jetkizdi, dep habarlaıdy Eurosport.
Ispan radıosy Onda Cero bul somany «álsiretý» maqsatynda Madrıd «Tottenhemge» Garet Beıl men jas shabýylshy Borha Maıoraldy qosa berýi múmkin ekenin aıtady. Óıtkeni «shporlar» Ispanııa jastar quramasynyń shabýylshysyna birazdan beri qyzyǵýshylyq tanytyp keledi.
Al sońǵy eki maýsymda Anglııanyń úzdik shabýylshysy atanyp júrgen Harrı Keınniń Transfermarkt-tegi quny 60 mln eýro tóńireginde. Alaıda qazirgi fýtbolda oıynshynyń naqty transferlik qunynan góri onyń tanymaldylyǵy kóp ról oınaıtyny taǵy bar.
