Ońaılatylǵan deklaratsııa: Áleýmettik tólemderdi qashan tóleý kerek

NUR-SULTAN. QazAqparat - Kóp jaǵdaıda kásipkerler ońaılatylǵan deklaratsııa negizindegi arnaýly salyq rejımimen jumys istep, salyqtary men áleýmettik tólemderin tóleý merzimderinen qatelesip jatady. Bul qatelikteri ósimpuldyń eseptelýine ákelip soǵýy múmkin, dep habarlaıdy QazAqparat.

Sondyqtan, tóleý merzimderine qatysty túsindirme berdi.

«Ózderińizge belgili, QR Salyq kodeksiniń 688-babyna sáıkes, ońaılatylǵan deklaratsııa negizinde arnaýly salyq rejımin qoldanatyn salyq tóleýshiler ornalasqan jeri boıynsha salyq organdaryna ońaılatylǵan deklaratsııany (910-nysan) esepti salyq kezeńinen keıingi ekinshi aıdyń 15-inen keshiktirmeı tabys etedi. Negizi, salyq kezeńi jartyjyl bolyp sanalady. Osyǵan sáıkes, salyq eseptiligin usynýmen qatar, eseptelgen áleýmettik tólemderdi jarty jylda bir ret tóleý derekteri jıi oryn alyp otyr. Al bul óz kezeginde qoldanystaǵy zańnamalardyń normalaryn buzý bolyp otyr», - delingen QR QM Memlekettik kirister komıteti túsiniktemesinde.

«Qazaqstan Respýblıkasynyń zeınetaqymen qamsyzdandyrý týraly», «Mindetti áleýmettik saqtandyrý týraly», «Mindetti medıtsınalyq saqtandyrý týraly» zańdaryna sáıkes, áleýmettik tólemder tabys tólengen aıdan keıingi aıdyń 25-inen keshiktirilmeı tólenedi. ıAǵnı, áleýmettik tólemder aı saıyn tólenýi shart.

«Tıisinshe, áleýmettik tólemderdi ýaqtyly tólemegeni úshin árbir keshiktirilgen kún úshin ósimpul esepteledi jáne banktik shottar boıynsha shyǵys operatsııalaryn toqtata turýǵa ákelip soǵady. Osyǵan baılanysty, QR QM Memlekettik kirister komıteti eseptelgen áleýmettik tólemderdi merziminde tólep otyrýdy esterińizge salady», - dep atalyp ótken komıtet habarlamasynda.