Ońaılatylǵan deklaratsııa: Arnaýly salyq rejımi qoldanylmaıtyn qyzmet túrleri bekitildi

ASTANA. KAZINFORM — Úkimettiń 2025 jylǵy 14 qarashadaǵy qaýlysymen ońaılatylǵan deklaratsııa negizinde arnaýly salyq rejımin qoldanýǵa tyıym salynǵan qyzmet túrleriniń tizbesi bekitildi.

Osy qaýly 2026 jylǵy 1 qańtardan bastap qoldanysqa engiziledi. Atap aıtqanda, tyıym salynǵan qyzmet túrlerine 44 ataý engizilgen.

Olardyń qatarynda mynalar qamtylǵan:

- Esirtkiniń, psıhotroptyq zattar men prekýrsorlardyń aınalymyna baılanysty qyzmet;

- Aktsızdeletin ónimdi óndirý nemese kóterme satý;

- Munaı ónimderiniń jekelegen túrlerin – benzındi, dızel otynyn jáne mazýtty satý;

- Astyq qabyldaý pýnktterinde astyqty saqtaý jónindegi qyzmet;

- Lotereıa ótkizý;

- Oıyn bıznesi salasyndaǵy qyzmet;

- Radıoaktıvti materıaldardyń aınalymyna baılanysty qyzmet;

- Saqtandyrý brokeri men saqtandyrý agentiniń qarjylyq, saqtandyrý qyzmeti jáne deldaldyq qyzmet;

- Kúzet qyzmeti;

- Azamattyq jáne qyzmettik qarý men onyń patrondarynyń aınalymymen baılanysty qyzmet;

- Tsıfrlyq maınıng jónindegi qyzmet;

- Jer qoınaýyn paıdalaný (ken izdeýge arnalǵan lıtsenzııa negizinde júzege asyrylatyn jer qoınaýyn paıdalaný jónindegi qyzmetti qospaǵanda);

- Tústi jáne qara metaldardyń synyqtary men qaldyqtaryn jınaý (daıyndaý), saqtaý, óndirý, qaıta óńdeý jáne ótkizý;

- Qarjy lızıngi sheńberindegi qyzmet;

- Saýda naryǵyn jalǵa alý jáne paıdalaný;

- Qazaqstan Respýblıkasynyń saýda qyzmetin retteý týraly zańnamasyna sáıkes saýda bazarlaryna jatatyn saýda obektilerin, 1 jáne 2 sanattaǵy statsıonarlyq saýda obektileri;

- Avtomobıl lızıngi;

- Qurylys mashınalary men jabdyqtarynyń lızıngi;

- Aýyl sharýashylyǵy mashınalary men jabdyqtarynyń lızıngi;

- Turǵyn jáne turǵyn emes ǵımarat salý;

- Konsýltatsııalyq jáne (nemese) marketıngtik qyzmetter;

- Býhgalterlik esep nemese aýdıt salasyndaǵy qyzmet;

- Quqyq, ádilet jáne sot tóreligi salasyndaǵy qyzmet;

- Júk temirjol kóliginiń qyzmeti;

- Temir joldar men metro qurylysy;

- Munaı jáne gaz magıstraldyq qubyrlaryn salý;

- Atom ónerkásibi jáne atom energetıkasy obektileri úshin sáýlet salasyndaǵy qyzmet;

- Kópirler men týnnelder salý;

- 1-sanattaǵy statsıonarlyq saýda obektilerin salý;

- Tólemderdi jınaý jónindegi agenttikterdiń jáne kredıttik bıýrolardyń qyzmeti;

- Qara jáne tústi metaldar kenderiniń kóterme saýdasy;

- Baǵaly metaldardyń kóterme saýdasy;

- Shıki munaıdyń jáne ilespe gazdyń kóterme saýdasy;

- Kestege baǵynatyn júk áýe kóliginiń qyzmeti;

- Munaı óńdeý ónimderin óndirý;

- Shıki munaıdyń jáne ilespe gazdyń kóterme saýdasy;

- Avtomobılderge arnalǵan qozǵaltqyshtardan basqa avtomobılder óndirisi;

- Baǵaly qaǵazdarmen jáne taýarlarmen mámileler boıynsha brokerlik qyzmet;

- Lombardtardyń qyzmeti;

- Bank qyzmeti;

- Baǵaly qaǵazdar naryǵyndaǵy qyzmet.

Eske salsaq, bıyl qyrkúıek aıynda Premer-mınıstrdiń orynbasary – ulttyq ekonomıka mınıstri Serik Jumanǵarın ońaılatylǵan salyq rejıminde jumys istep kelgen kásipkerlerdiń basym bóligi úshin jaǵdaı ózgermeıtinin aıtty.