«Ońaıdyń» mobıldik qosymshasy iske qosyldy
ALMATY. QazAqparat - «Almaty transport holdıngi» aldaǵy ýaqytta «Ońaı» kartasymen taýarlar satyp alyp, qyzmet aqysyn tóleýge bolatynyn aıtty, dep habarlaıdy QazAqparat tilshisi.
«Búgin biz «Ońaıdyń» AppStore jáne Google Play arqyly mobıldik qosymshasyn iske qostyq. Bul «Ońaıdy» jetildirýdiń kezekti qadamy. Naqtyraq aıtqanda, tek kólikte ǵana emes, taýar jáne qyzmet túrine esep aıyrysý kezinde de paıdalana alatyndaı jetildirý jolyndaǵy qadamdarymyz. Biz mobıldik qosymshanyń fýnktsııalaryn keńeıtip, kartanyń qyzmet túrin barynsha kóbeıtpekpiz», - dedi «Ońaı Raý» JShS dırektory Aleksandr Zaıkın.
«Ońaı» mobıldik qosymshasy arqyly endi qoldanýshy kartadaǵy qarjy somasyn tekserip, ony komıssııasyz toltyra alady. Joǵalǵan kartasyn buǵattap, ishindegi somany jańa kartasyna aýdara alady. Sonymen qatar, A núktesinen B núktesine deıin qajetti avtobýs baǵdaryn anyqtaı alady.
