On aıda turmystyq zorlyq-zombylyq jasaǵan 10 myńnan astam ózbekstandyq jazalandy
TAShKENT. KAZINFORM — Bıyl 10 aıda Ózbekstanda turmystyq zorlyq-zombylyq jasaǵan 10 003 adam ákimshilik jaýapqa tartyldy, dep habarlaıdy Kazinform agenttiginiń menshikti tilshisi.
Ózbekstan Joǵarǵy sotynyń baspasóz hatshysy Azız Abıdovtiń dereginshe, otbasynda janjal shyǵaratyndardyń sany azaıyp keledi. Atap aıtqanda, byltyr osy aralyqta 9210 adamǵa aıyppul salynyp, 6217 quqyq buzýshy ákimshilik qamaqqa alynǵan.
Munymen birge, bıyl qańtar-qazanda turmystyq zorlyq-zombylyq úshin 381 turǵyn qylmystyq jaýapkershilikke tartylǵan. Al 2024 jyly sáıkes kezeńde 399 ózbekstandyq sottalǵan edi.
Buǵan deıin habarlaǵanymyzdaı, Reseıde zorlyq-zombylyqtyń qurbany bolǵan áıel úsh balasymen Ózbekstanǵa qaıtaryldy.
Sonymen qatar, bıyl Ózbekstan men Reseı ǵalymdary zorlyq-zombylyqty anyqtaıtyn neırondyq jelini jasap shyǵardy.
Eske salsaq, byltyr Ózbekstanda balaǵa qatysty jasalǵan turmystyq zorlyq-zombylyq úshin jaza engizildi.