«OŃAI» metrodaǵy týrnıketter sanyn arttyrdy
ALMATY. QazAqparat - Almaty metrosyndaǵy týrnıketterde «Ońaı» elektrondy tólem júıesimen tóleý qurylǵylarynyń sany artty, dep habarlady QazAqparat tilshisine «Almaty transport holdıngi» JShS baspasóz hatshysy Elmıra Kırgeeva.
«OŃAI» elektrondy bılettendirý júıesiniń operatory qala turǵyndarynyń suranysyna oraı «OŃAI» kartalarynyń qoldanýshylary úshin týrnıketter sanynyń kóbeıtilgenin qýana habarlaıdy. Búgingi tańda Almaty metrosynyń 38 týrnıketinde kólik kartasynyń qoldanýshylary úshin «OŃAI» sanaǵysh qurylǵylary ornatyldy», dedi E.Kırgeeva.
Aıta keteıik, buǵan deıin metronyń ár stansasynda «OŃAI» termınalymen engizýge týrnıketterdiń bireýi ǵana jabdyqtalyp kelgen bolatyn.
Osylaısha zeınetkerler, stýdentter, oqýshylar, 18 jasqa tolmaǵan 4 jáne odan da kóp balasy bar analar,1,2 toptaǵy múgedekter, 18 jasqa deıingi múgedek balalar, Uly Otan soǵysynyń qatysýshylary men múgedekteri jáne solarǵa teńestirilgen adamdar ózderiniń sáıkes «OŃAI» jeńildigi bar kólik kartalary arqyly qoǵamdyq kólikter ǵana emes, sonymen qatar jer asty qoǵamdyq kóligimen de jeńildikpen júrý múmkindigine ıe boldy. 
