«OŃAI» kartasyn endi Qazposhta arqyly toltyrýǵa bolady (FOTO)
ALMATY. QazAqparat - «OŃAI» elektrondyq bılettendirý júıesi operatory men «Qazpochta» AQ Almaty qalasy men Almaty oblysy boıynsha «Qazpochta» AQ avtomattandyrylǵan bólimshe arqyly «OŃAI» kólik kartasyn toltyrý boıynsha qyzmetti iske qosqanyn málimdeıdi.
Bul týraly «OŃAI» baspasóz qyzmeti habarlady.
«OŃAI» kólik kartasyn ustaýshylar Almaty oblysynyń 350-den astam jáne Almaty qalasy boıynsha 90-nan astam poshta bólimshelerinde teńgerimin toltyra alady. Kólik kartasyn bólimshe kassasyna qolma-qol tóleýge, sondaı-aq www.post.kz-qa kez kelgen banktiń tólem kartasy arqyly aýdarý tásilimen toltyrýǵa bolady.
Jumys kestesi men baılanys derekteri kórsetilgen «Qazpochta» AQ bólimsheleriniń mekenjaıy www.post.kz saıtyna ornalastyryldy. Osy qyzmet boıynsha anyqtamalyq aqparatty 1499 nómiri (uıaly jáne qalalyq telefonnan Qazaqstan boıynsha tegin) boıynsha «Qazpochta» AQ baılanys ortalyǵynan naqtylaýǵa bolady.
Budan basqa, «OŃAI» kartasyn «QIWI» termınaldary, «Kassa24» termınaldary, «KıberPlat» termınaldary, PAYPOINT termınaldary, "Orion Pro" termınaldary; "QIWI ámııan" kómegimen; qarjy portaldary men bankter termınaldary, allpay (TOO «Allpay») mobıldik tólem júıesi arqyly, "PROFIT LLP" ALMATY JShS ALMATY ÓŃІRІ tólem júıeleri, Quickpay tólem júıesi, termınaldary, «Tólem ekspress-júıeler» JShS, "Halva Loyalty" JShS, www.e-kzt.kz (e-kzt.kz KTsMR) - QR elektrondyq tólem júıesi arqyly toltyrýǵa bolady.
Beeline abonentteri 2020 qysqa nómirine SMS habarlama jiberý jáne money.beeline.kz. tólem servısi arqyly tólem teńgerimin toltyra alady.
«OŃAI» jol júrý bıletterin «QIWI» termınaly jáne kaspi.kz saıty arqyly toltyrýǵa bolady. 
