Ońalbaı Aıashev: Prezıdent Joldaýy el bolashaǵyn aıqyndaıdy

TÚRKІSTAN. QazAqparat - Ońtústik Qazaqstan memlekettik pedagogıka ýnıversıtetiniń rektory, pedagogıka ǵylymdarynyń doktory Ońalbaı Aıashev Elbasy Nursultan Nazarbaevtyń Joldaýy el bolashaǵyn aıqyndaıdy degen pikirde.

Túrkistan oblystyq máslıhatynyń depýtaty Joldaýdyń barsha qazaqstandyqtar úshin asa mańyzdy qujat ekenine senimdi, dep habarlaıdy QazAqparat tilshisi.

Ǵumyryn bilim salasyna arnaǵan ǵalymnyń pikirinshe, ustazdarǵa mártebe berý aǵartý salasy qyzmetkerlerine úlken jaýapkershilik júkteıdi.

«Joldaýda Prezıdent «Pedagog mártebesi týraly» zań qabyldansyn dep tapsyrma berdi. Bul endi jaqsylyqtyń nyshany. Bıylǵy Joldaýda bilim-ǵylym jáne medıtsına salasyna kóp kóńil bólinip otyr. Sonyń ishinde medıtsına qyzmetkerleriniń jalaqysyn kezeń-kezeńmen 20 paıyzǵa kóbeıtýdi tapsyrdy. Muny endi óz basym qamqorlyq dep bilemin. Al, 2021 jyly mektep qurylysyna 50 mıllıard teńge bólinip jáne eń tómengi jalaqy mólsherin 1,5 esege artatynyn aıtty. Bul degenimiz - qýantarlyq jaıt»,- deıdi professor.

Ońalbaı Aıashevtiń pikirinshe, búgingi Joldaý jastarǵa da úlken serpin berdi.

«2019 jyldyń 1 qańtarynan bastap jalaqysy tómen 1,3 mıllıon qazaqstandyqtyń kirisi artpaq. Elbasy barlyq Joldaýlarynda jastarǵa úlken qoldaý bildirip, elimizdegi ǵylym men bilimniń damýyna dańǵyl jol ashyp beredi. Sonymen qatar, 2019 jyldy «Jastar jyly» dep jarııalady. Bul endi jastar úshin óte mańyzdy. Jastar elimizdiń bolashaǵy!»,- deıdi ýnıversıtet rektory.