On jyl ishinde bala týý sany 68,2 paıyzǵa artty - Statıstıka
ASTANA. 25 maýsym. QazAqparat - 2011 jyly Qazaqstan Respýblıkasynda AHAT organdarymen 372 544 týylǵan bala tirkeldi.
Sonyń ishinde qalalyq mekenderde - 197 138 adam, aýyldyq - 175 406 adam. Týylǵan er balalardyń sany 191 878 adamdy (51,5 paıyz), qyz balalar - 180 666 adamdy (48,5 paıyz) qurady. Týǵan kezdegi jynystardyń araqatynasy 100 qyz balaǵa shaqqanda 106 er balany qurady. Bul týraly Statıstıka agenttiginen habarlandy.
Agenttik málimetterine sáıkes, 2001 jylmen salystyrǵanda týǵandar sany 68,2 paıyzǵa (er balalar - 68,3 paıyzǵa, qyz balalar - 68,1 paıyzǵa), qalalyq mekenderde - 70,8 paıyzǵa, aýyldyq jerlerde - 65,4 paıyzǵa artty. Sonymen qatar, 2011 jyly 1 000 turǵynǵa shaqqandaǵy týǵandardyń jalpy koeffıtsıenti 22,5 týǵandardy qurady jáne 2001 jylmen salystyrǵanda 7,6 promıllege artty. Qalalyq mekenderde osy kórsetkish 21,81, aýyldyq mekenderde - 23,32 paıyzdy qurady.
Qazaqstan óńirleri boıynsha 1 000 turǵynǵa shaqqandaǵy týýdyń eń joǵary deńgeıi Ońtústik Qazaqstan - 30,60, Mańǵystaý - 29,96, Atyraý - 28,51 jáne Qyzylorda - 28,45 oblystarynda belgilendi. Eń tómengi kórsetkish Qostanaı - 14,51, Soltústik Qazaqstan - 14,76 jáne Shyǵys Qazaqstan - 16,4 - oblystarynda baıqaldy.
2011 jyly týǵandaǵy áıeldiń orta jasy 27,6 jasty qurady jáne 2001 jylmen salystyrǵanda 0,7 jasqa (2001j. - 26,9 jas), qalalyq mekenderde - 0,9 jasqa (2001j. - 26,9), aýyldyq mekenderde 0,4 jasqa (2001j. - 27,0 jas) ulǵaıdy.
Qazaqstannyń birneshe óńirlerinde týǵandaǵy áıeldiń orta jasy ortasha respýblıkalyq deńgeıden joǵary boldy. Mysaly, kórsetkish Almaty qalasynda 28,8 jasty, Astana qalasy men Qyzylorda oblysynda 28,2 jasty qurady.
