On jylda Ulttyq bank 550 tonna altyn satyp alǵan

Sońǵy 10 jyldyń ishinde Ulttyq bank qoryna 550 tonna tazartylǵan altyn satyp alyndy. Bul týraly Ónerkásip jáne qurylys mınıstrliginen málim etti, dep habarlaıdy Kazinform.

«2011 jylǵa deıingi elde óńdelgen barlyq altyn syrtqa shyǵarylǵan. 2011 jyldan bastap 2015 jylǵa deıin altyndy eksporttaýǵa ýaqytsha shekteý qoıyldy. 2011-2015 jyldary 229,62 tonna kólemde óńdelmegen altyn alyndy. Onyń ishinde 64,24 tonnasy eksportqa shyǵaryldy. Al shamamen 110 tonna tazartylǵan altyn Ulttyq bankke ótkizildi», — dep jaýap berdi mınıstrlik agenttiktiń saýalyna.

Vedomstvo málimetinshe, «Baǵaly metaldar men asyl tastar týraly» zańǵa sáıkes, 2016 jyldan bastap Ulttyq bank affınırlengen altyndy satyp alýda basym quqyqqa ıe bolǵan. 

«2011-2022 jyldar aralyǵynda Ulttyq banktiń qoryna shamamen 550 tonna tazartylǵan altyn satyp alyndy. Elimizde jyl saıyn shamamen 1 myń tonnadan astam kúmis óńdeledi. Onyń 990 tonnaǵa jýyǵy eksporttalady», — dep atap ótedi mınıstrlikten.