BUU bitimgerlik mıssııasyna qatysý álem aldyndaǵy bedelimizdi kóterýge kómektesti - Erlan Qarın
ASTANA. KAZINFORM — Memlekettik keńesshi Erlan Qarın qazaqstandyq áskerı qyzmetshilerdiń BUU-nyń bitimgerlik mıssııasyna qatysýyna pikir bildirdi.
«Búgin Parlament palatalarynyń birlesken otyrysynda Memleket basshysynyń qazaqstandyq áskerı qyzmetshilerdi BUU-nyń bitimgerlik mıssııasyna qatysýǵa jiberý týraly usynysy qoldaý tapty. BUU-nyń bitimgerlik qyzmetine atsalysý — Qazaqstannyń syrtqy saıasatynyń mańyzdy bóligi. Bul bizdiń soǵys pen qaqtyǵystardyń aldyn alýǵa qatysty birlesken is-áreketke qosqan úlesimiz», - dep jazdy memkeńesshi Telegram paraqshasynda.
Onyń aıtýynsha, Qazaqstan sońǵy 10 jyl kóleminde BUU-nyń bitimgerlik operatsııalaryna qatysyp keledi.
«Bul elimizdiń álem aldyndaǵy bedelin kóterýge jáne ustanymyn nyǵaıtýǵa kómektesti. Sondaı-aq BUU men halyqaralyq áriptester tarapynan zor senimge ıe boldyq. Áskerı qyzmetshilerdiń BUU-nyń bitimgerlik mıssııalaryna qatysýy Qarýly Kúshterdiń áleýeti men tájirıbesin arttyrýǵa, halyqaralyq yntymaqtastyq pen syrtqy resýrstardyń artyqshylyqtaryn tıimdi paıdalanýǵa múmkindik beredi. Ol da — mańyzdy faktorlardyń biri», - deıdi Erlan Qarın.
