On jasynan dombyrany janyna serik etken ıÝrıı Kochetygov
ıÝrıı otbasynyń tuńǵyshy. Kókshetaýdaǵy Birjan sal atyndaǵy mýzyka kolledjinde dombyrashy mamandyǵy boıynsha bilim alady. Dombyra úıirmesine on jasynan anasy qolynan jetektep aparǵan. Alǵash ret dombyranyń shanaǵynan tógilgen sıqyrly úndi estigen onyń birden osy mýzykalyq aspapqa áýestigi bastalady.
«Kókshetaýdaǵy Birjan sal atyndaǵy mýzyka kolledjinde «Dombyra pániniń muǵalimi» mamandyǵy boıynsha bilim alamyn. Dombyra úıirmesine on jasymda anam apardy. Sodan beri dombyrany qolymnan tastaǵan emespin. Alǵashqy ustazym Serik Sársenbaev boldy. Sol kisiden 5 jyl boıy dombyra shertýdiń qyr-syryn úırendim. Keıin meniń qabiletim baryn bilgen ol oqýǵa túsýge keńes berdi. Osylaısha, búgingi kúni mýzyka kolledjinde bilimdi jalǵastyryp kelemin», - deıdi ıÝrıı Kochetygov.
Ónerli óren memlekettik tilde de múdirmeı sóıleıdi. Artynan ergen qaryndasy Zlata da qazaq mektebinde oqıdy. Ol da ónerden qur alaqan emes. Aǵasy sııaqty dombyra, fleıta aspaptarynda oınaıdy. Al, ata-analary árdaıym olardyń ónerine qoldaý bildirip, shyǵarmashylyqtaryn shyńdaýǵa úles qosyp keledi.
«Kishkentaıymnan qazaq tilin meńgerip aldym. Qazaq tildi balabaqsha men mektepte oqyǵandyqtan, sondaı-aq, aınalamdaǵy orta áser etkendikten, maǵan qazaqsha úırený qatty qıyndyq týǵyzǵan joq», - dep qosty ıÝrıı Kochetygov.
Osy kúni ıÝrııdiń repertýarynda halqymyzdyń ataqty kúıshileriniń 50-den astam kúıi bar. Osynyń arqasynda, ol kóptegen halyqaralyq, respýblıkalyq jáne oblystyq baıqaýlardyń júldegeri atanyp júr.
