On tilde erkin sóıleıtin jas polıglot Qazaqstanda turady

ASTANA. KAZINFORM – 11 synyp oqýshysy Ásel Abdýrahımova 10 tilde erkin sóıleıdi. 

Oqý-aǵartý mınıstrligi baspasóz qyzmetiniń málimetinshe, kishkentaıynan álem tilderin meńgerýge qyzyǵýshylyq tanytqan Ásel orys, frantsýz, aǵylshyn, qytaı tilderin áýeli óz betinshe ınternetten izdenip, úırengen. Keıin arnaıy til kýrstaryna qatysyp, ıspan, ózbek, ıtalıan jáne japon tilderin meńgeredi.

Álem elderiniń mádenıeti men tiline qyzyqqan jas polıglot birinshi synypta álem elderiniń astanalaryn jatqa aıtqan. Al úshinshi synyptan bastap frantsýz tilin óz betinshe úırene bastapty. 

Búginde Ásel tájik (ana tili), ózbek (C1), qazaq (C1), orys (C1), aǵylshyn (C2), frantsýz (C1), qytaı (B1), ıspan (A2), ıtalıan (A2) jáne japon (N4) tilderinde erkin sóıleıdi. Qytaı tili boıynsha halyqaralyq HSK 3 deńgeıi (B1) emtıhanyn tapsyrýǵa daıyndalyp júr.

– Men jıhankez bolýdy, aralaǵan ár eldegi adamdarmen óz tilinde erkin sóılesýdi armandaımyn. Ár til jańa mádenıetke jol ashatyn kilt ispettes. Bunymen toqtap qalmaımyn, aldaǵy ýaqytta arab tiline den qoıyp, BUU-nyń 6 resmı tilin tolyq meńgergim keledi, - deıdi jas polıglot.

Eske sala keteıik, osyǵan deıin Ulttyq qorǵanys ýnıversıtetinde polıglot sarbaz qyzmet etetinin jazǵan edik.