Oń róldi avtokólikterdiń jaryq berý shamdarynyń júıesin tehnıkalyq reglamentke saı sáıkestendirý qajet
ASTANA. 17 qańtar. QazAqparat /Rýslan Ǵabbasov/ - Kelesi tehnıkalyq baıqaýǵa deıin oń róldi avtokólikterdiń jaryq berý shamdarynyń júıesin elimizdiń tehnıkalyq reglamentterine saı sáıkestendirý qajet.
Bul týraly búgin Astanada ótken baspasóz máslıhatynda Kólik jáne kommýnıkatsııa mınıstrliginiń Kóliktiń baqylaý komıteti tóraǵasynyń orynbasary Áset Asaýbaev málim etti.
Onyń sózine qaraǵanda, oń róldi kólikter shamdarynyń jaryq túsirý buryshy elimizdiń tehnıkalyq reglamentindegi talaptarǵa saı kelmeıdi. Sondyqtan da atalǵan kólikterdiń ıelerine jaryq shamdaryn sáıkestendirý týraly talaptar qoıylyp otyr.
Atap aıtqanda, avtokólik ıeleri osy eskertýdi kelesi tehnıkalyq baıqaýǵa deıin oryndaýy tıis. ıAǵnı, ázirge tehnıkalyq baıqaýdan ótti degen kýálik atalǵan sáıkespeýshilikti eskermesten kelesi tehnıkalyq baıqaýǵa deıin beriletin bolady.
