Oń ózgeris baıqalsa, karantın sharalary jeńildetiledi - Alekseı Tsoı

NUR-SULTAN. QazAqparat - Qazaqstanda karantın sharalary kezeń-kezeńimen jeńildetý josparlanǵan. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Karantındi sozý týraly sheshim naqty tarazylanatyndyǵyn túsiný óte mańyzdy. Biz úshin aýrýdyń ósim dınamıkasy nemese onyń tómendeýi mańyzdyraq bolyp tur. Eki apta boıy málimetterge kúndelikti monıtorıng jasap otyramyz. Eger aýrýdyń turaqty túrde tómendegendigin baıqaıtyn bolsaq, onda karantın sharalaryn kezeń-kezeńimen jeńildetý josparymyzda bar. Al eger kórsetkish dınamıkasy nasharlap ketetin bolsa, onda basqa sheshim qabyldanady. Qazirgi ýaqytta kórsetkishterdiń oń dınamıkasy baıqalady», - dedi mınıstr Ortalyq kommýnıkatsııalar qyzmetindegi baspasóz máslıhaty barysynda.

Alekseı Tsoıdyń dereginshe, qazirgi ýaqytta elimizde shamamen 1 980 tósek-oryn kútý rejimine kóshirilgen nemese burynǵy keste boıynsha jumystaryn bastaǵan.