On myńǵa jýyq elordalyq oqýshyǵa oqý quraldary salynǵan sómkeler beriledi

NUR-SULTAN. QazAqparat – «Mektepke jol» aktsııasy aıasynda 10 myńǵa jýyq elordalyq oqýshyǵa ishinde qajetti oqý quraldary bar sómkeler beriledi. Bul týraly Nur-Sultan qalalyq bilim basqarmasynyń basshysy Qasymhan Senǵazyev málim etti, dep habarlaıdy QazAqparat tilshisi.

«Jańa 2022-2023 oqý jylynda aýdan ákimdikterimen birlesip, demeýshilik qarajat esebinen 10 myńǵa jýyq balaǵa kerek-jaraqtary bar mektep sómkesi berilmek. Ony birinshi kezekte áleýmettik osal top sanatyna jatatyn oqýshylar alady», - dep atap ótti basqarma basshysy.

Respýblıkalyq «Mektepke jol» aktsııasy 1 tamyzda bastalǵan. Qazirgi ýaqytta atalǵan sharaǵa memlekettik organdardy, metsenattardy, demeýshiler men úkimettik emes uıymdardy tartý jumystary júrgizilip jatyr.

Eske salsaq, astanada úsh aýysymmen isteıtin 4, al bala sany shamadan tys artyq 15 mektep bar. Al, oqýshy mektepke formasyz kelgen kúnniń ózinde, partaǵa otyrýǵa quqyly .

«Oqý-aǵartý mınıstrligi bıyl biryńǵaı mektep formasy mindettelmeıtinin málimdedi. Eń bastysy – oqýshy bilim ordasynyń qarapaıym erejelerine saı kıinse bolǵany. Eskerte keteıin, balanyń bilim alý quqyǵyn eshkim shektemeýi kerek. Eger bala mektep formasymen kelmese de, ony ustaz partaǵa otyrǵyzýǵa mindetti», - dedi bilim basqarmasynyń basshysy.