On mınýtqa shyǵyp ketken qaraǵandylyq azamat izdestirilýde
QARAǴANDY. QazAqparat - Belgisiz jaǵdaıda úı kıimimen tysqa shyqqan 34 jastaǵy Qaraǵandy qalasynyń turǵyny Rıshat Muhamedııarov iz-tússiz joǵalyp ketti, dep habarlaıdy «QazAqparat» HAA tilshisi.
«6 shilde kúni Rıshatqa áldebireýler qońyraý shalyp, ol Vostok-1 shaǵyn aýdanyndaǵy úıinen 10 mınýttan soń qaıtyp oralatynyn aıtyp shyǵyp ketken. Sodan beri iz-tússiz joq», - deıdi Rıshat Muhamedııarovtyń týysy Gýzal Ysqaqova.
Gýzalǵa atalǵan izdeý isin júrgizip jatqan tergeýshi izdeý jumystarynyń barysy jaıly alańdap otyrǵan týysqandaryna habarlaýdyń qajeti joq ekendigin aıtqan.
«Tergeýshige qaıta-qaıta qońyraý shalyp otyrmyz, ol tipti jaýap bermeıdi, qaıtyp habarlaspaıdy da. Eki apta boldy eseńgirep otyrmyz», - deıdi joǵalǵan azamattyń týysy.
Polıtsııa qyzmetkerleri Rıshat Muhamedııarovty izdeý jumystaryn Jańa-Maıqudyq polıtsııa bólimshesi júrgizip jatqandyǵyn aıtty.
«Joǵalǵan azamat jaıly qandaı da bir aqparat biletinderdiń 8 (7212) 24-33-90, 40-79-19 nemese 102 telefondaryna habarlasýyn suraımyz», - dep habarlaıdy Qaraǵandy oblysy ishki ister departamentiniń baspasóz qyzmeti.
Joǵalǵan azamattyń belgileri: boıy - 180 santımetr, aryq, shashtary kúńgirt sary tústi. Aq fýtbolka, kók sholaq shalbar, kók aıaq kıim kıgen.
