On kúnde aýyl sharýashylyǵy sanaǵyna 130 myńnan astam respondent qatysty

ASTANA. KAZINFORM – Tamyzdyń alǵashqy 10 kúninde Ulttyq aýyl sharýashylyǵy sanaǵynyń onlaın kezeńine shamamen 133 myń respondent qatysty. Bul týraly Ulttyq statıstıka bıýrosy málim etti.

Olardyń ishinde 64 myńy – baý-baqshasy bar nemese mal ustaıtyn úı sharýashylyqtary, al 70 myńǵa jýyǵy – mal, egin nemese balyq sharýashylyǵymen aınalysatyn aýyl sharýashylyǵy qurylymdary.

Ulttyq aýyl sharýashylyǵy sanaǵy Qazaqstanda 1 tamyzda bastaldy. Birinshi, onlaın kezeń 31 tamyzǵa deıin jalǵasady. Barlyq sanattaǵy agro mekemeler sanaqtan sanaq.gov.kz saıtynda óte alady.

Ekinshi kezeń 20 qyrkúıekten 20 qazanǵa deıin ótedi. Bul ýaqytta ıntervıýerler úı sharýashylyqtaryna baryp, saýalnama júrgizedi.

Sanaq BUU Azyq-túlik jáne aýyl sharýashylyǵy uıymynyń (FAO) 10-shy Dúnıejúzilik aýyl sharýashylyǵy sanaqtary baǵdarlamasy aıasynda ótip jatyr. Negizgi maqsat – agrarlyq salanyń jaı-kúıi týraly tolyq aqparat jınaý.

Barlyq suraqtar boıynsha táýlik boıy jumys isteıtin 1446 baılanys ortalyǵyna habarlasýǵa nemese sanaq.gov.kz saıtyndaǵy chat-botqa jazýǵa bolady.