On eki kún buryn joǵalǵan kókshetaýlyq ormannan tabyldy

KÓKShETAÝ. QazAqparat - Aqmola oblysynda on eki kún buryn iz-túzsiz joǵalǵan er adam orman ishinen tabyldy, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, Kókshetaý qalasynyń turǵyny 29 sáýirde joǵalyp ketken. Bul týraly 6 mamyr kúni onyń týystary polıtsııaǵa habarlap aıtqan.

Belgili bolǵanyndaı, er adam jumysqa ornalasyp, kezekti aýysymnan keıin úıine kelmeı qalǵan. Bastapqyda týystary óz betterimen izdep kóredi. Alaıda, odan nátıje shyqpaǵan soń, bir apta ótkennen keıin ǵana polıtsııadan kómek suraıdy.

«Jedel-izdestirý sharalary barysynda Kókshetaý qalalyq polıtsııa basqarmasynyń qyzmetkerleri jaqyn mańdaǵy aýmaqtardy aralap, joǵalǵan adam týraly yqtımal kýágerlerden, týystary men tanystarynan surastyrdy. Nátıjesinde, er adamnyń Kókshetaý qalasynyń Birlik shaǵynaýdany mańyndaǵy orman alqabynda turaqtaǵany anyqtaldy. Ol mundaı qadamǵa nelikten barǵanyn túsindirmedi. Qazirgi ýaqytta polıtseıler oqıǵanyń mán-jaıyn anyqtap jatyr», - dedi vedomstvodan.

Aıta ketsek, Aqmola oblysynda 10 jasar bala qaryndasyn qutqarmaq bolyp ózenge sekirgen .