«On eki jyl buryn» – Ilon Mask JI qaýpin áldeqashan eskertkenin eske saldy
ASTANA. KAZINFORM – Amerıkalyq kásipker Ilon Mask jasandy ıntellektiniń qýattyraq modelderin ázirleýdi baıaýlatý týraly usynysty qoldap, osydan 12 jyl buryn jasaǵan eskertýin eske saldy. Bul týraly ol óziniń H-tegi paraqshasynda jazdy.
Anthropic kompanııasynyń basshysy Darıo Amodeı buǵan deıin qaýipsizdikke tónetin yqtımal qaterlerge baılanysty jasandy ıntellektti damytýdy ýaqytsha baıaýlatýǵa shaqyrǵan edi. Mask bul usynysty qoldady.
Kásipker 2014 jylǵy óz jazbasyna jaýap retinde «On eki jyl buryn» dep jazdy. Ol sol kezde jasandy ıntellektiniń áleýetti qaýpi ıadrolyq qarýdan da joǵary bolýy múmkin ekenin eskertken.
12 years ago https://t.co/dcgeIpQVO0
— Elon Musk (@elonmusk) September 13, 2026
JI-diń qarqyndy damýyna qatysty alańdaýshylyqty basqa mamandar da bildirip otyr. Anthropic zertteýshisi Djeıkob Kokson tehnologııalyq jarys álemdi «qaıtarymsyz núktege» jaqyndatyp, 2027 jyldyń sońyna qaraı asa qaýipti saldarǵa ákelýi múmkin ekenin aıtyp, osy saladan ketetinin málimdedi.
Buǵan deıin Anthropic te jasandy ıntellekt qaýipsizdigine qatysty alańdaýshylyqqa baılanysty ony damytýdy ýaqytsha baıaýlatýǵa shaqyrǵan edi.
Eske sala ketsek, Anthropic zertteýshisi Djeıkob Kokson JI adamzatty joıyp jiberýi múmkin ekenin eskertkenin jazdyq.
