On eki arab jáne ıslam elderi Irandy shabýyldardy toqtatýǵa shaqyrdy

ASTANA.KAZINFORM - Er-Rııadta ótken konsýltatıvtik kezdesýge qatysýshylar Irandy agressııany dereý toqtatýǵa shaqyrdy.

Keshe Saýd Arabııasynyń astanasynda Ázerbaıjan, Iordanııa, BAÁ, Bahreın, Pákistan, Túrkııa, Sırııa, Qatar, Kýveıt, Lıvan, Mysyr jáne Saýd Arabııasynyń syrtqy ister mınıstrleri men ókilderiniń Taıaý Shyǵystaǵy qaýipsizdik pen turaqtylyqty qamtamasyz etý sharalaryn talqylaý jáne úılestirý úshin konsýltatıvtik kezdesýi ótti.

Saýd Arabııasynyń jańalyqtar agenttiginiń habarlaýynsha, kezdesýge qatysýshylar elderdiń egemendigi men halyqaralyq quqyqty buzatyn zymyran shabýyldary men dron shabýyldaryn qatań aıyptady. Olar Irandy agressııany dereý toqtatýǵa jáne BUU Qaýipsizdik Keńesiniń tıisti qararyn oryndaýǵa shaqyrdy.

Delegattar aımaqtyq qaýipsizdik úshin tatý kórshilik qaǵıdatyn buzýdyń aýyr saldary týraly eskertti.

Buǵan deıin habarlaǵanymyzdaı, Irannyń Býsher atom elektr stantsııasyna shabýyl jasalyp, MAGATE sabyrlylyqqa shaqyrdy.