On bir jastaǵy sportshy qaterli isikti jeńip, Ystanbulda júzýden chempıon atandy

QARAǴANDY. KAZINFORM – Qaraǵandylyq 11 jastaǵy Zahar Nepogodın, Daýn sındromymen dúnıege kelgen jáne onkologııalyq dertti eńsergen bala, Ystanbulda ótken halyqaralyq júzý jarysynda úsh altyn medal ıelendi.

Zahar Astanadaǵy Ana men bala ortalyǵynda emdelip shyqqan soń sportqa bet burdy. Birneshe jyl buryn elordada ótken qaterli isik dertin jeńgen balalar arasyndaǵy tuńǵysh respýblıkalyq chempıonatta alǵash ret sýǵa túsip, úshinshi oryn alǵan edi.

Sodan beri ol jattyqtyrýshysy Elena Raıngardt pen anasy Galınanyń qoldaýymen júıeli túrde júzýmen aınalysyp, túrli deńgeıdegi jarystarǵa qatysyp júr.

Bar-joǵy eki jyl ishinde Zahar ondaǵan marapatqa ıe boldy. 2025 jyly ol Qazaqstan namysyn Túrkııada qorǵap, úsh altyn medal jeńip aldy.

– Respýblıkalyq jarystar biz úshin sheshýshi sát boldy. Ol kezde Zahar alǵash ret sýǵa túsip, biz sporttyń ómirine úlken serpin bere alatynyn túsindik. Qazir biz úshin úlken qýanysh, ulymdy maqtan tutamyn. Balasynda qaterli isik anyqtalǵan ata-analarǵa aıtarym – eshqashan moıymańyzdar, bári bir sátte ózgerýi múmkin. Al sport – kez kelgen kedergini jeńýge kómektesedi, – dedi onyń anasy Galına.

Aıta keteıik, bir qoly men bir aıaǵy joq parasportshy Balqash kólin júzip ótti.