On bir jyl túrmede otyrǵan boksshy Golovkındi jekpe-jekke shaqyrdy
ASTANA. QazAqparat - Orta salmaqtaǵy álemniń eks-chempıony Devon Aleksanderdiń aǵasy amerıkalyq orta salmaqtaǵy boksshy Von Aleksander (11-0, 8 KO) Gennadıı Golovkınmen (37-0-1, 33 KO) aıqaspaq nıette, dep habarlaıdy Sports.kz.
2004 jyly Von myqty boksshylardyń bir bolǵan edi, biraq qarýly qaraqshylyq qylmysy úshin túrmege otyrǵan. Ol on bir jylǵa bas bostandyǵynan aıyryldy. Tek 2015 jyly qalypty ómirge kóship, alty ret jekpe-jekke shyǵyp, bárinde de jeńiske jetti.
"Men túrmede otyrǵan kezimde 175 fýnt edim, qazir - 160 jáne osy salmaqta aıqasqym keledi. Meniń josparym - orta salmaqta álem chempıony bolý. Sondyqtan Golovkınmen jekpe-jekke shyqqym keledi", - dedi Von Prodigy of Boxing Talk-ke bergen suhbatynda.
