On bes jasqa tolǵan Ata zań zaman talaptaryn tolyǵymen oryndap otyr - A. Balaeva

ASTANA. Tamyzdyń 20-sy. QazAqparat /Qanat Mámetqazyuly/ - Búgin Astana qalasynyń ákimdigi QR Adam quqyqtary jónindegi komıssııasymen, Eýropa quqyǵy men adam quqyqtary sarapshylyq ınstıtýty jáne Quqyqtyq mádenıetti damytý ortalyǵymen birlese otyryp «Qazaqstan Respýblıkasynyń Konstıtýtsııasyna 15 jyl: zańnamanyń ilgeri jetildirýi» atty taqyrypta respýblıkalyq ǵylymı-tájirıbelik konferentsııasyn ótkizdi, dep habarlaıdy QazAqparat.

«Osydan on bes jyl buryn Qazaqstan halqynyń tańdaýymen dúnıege kelgen elimizdiń Bas qujatyna sol kezdegi referendýmda daýys berýshilerdiń 89 paıyzy daýys bergen edi. Bul bizdiń elimizdiń demokratııalyq, quqyqtyq jáne zaıyrly, áleýmettik memleketke aınalýdyń alǵashqy qadamy bolatyn. Búgingi Qazaqstan álemdik qaýymdastyq aldynda túrli etnosaralyq, dinaralyq kelisim men turaqty damyp kele jatqan bolashaǵy aıqyn memleket retinde tanylyp otyr. Sol kezderi táýelsizdigin jańa jarııalaǵan memleket demokratııalyq ashyqtyq, jańa naryqtyq qatynastar, azamattardyń quqyǵy men bostandyǵy, din erkindigi men san alýan ulttar men ulystardyń múddelerin jańa Ata zań jobasynda eskerilidi», - dedi jıyndy ashyp sóz sóılegen Astana qalasy ákiminiń orynbasary Aıda Balaeva. Onyń aıtýynsha, búgingi Konstıtýtsııa zaman talaptaryn tolyǵymen oryndap keledi. Óıtkeni, Qazaqstannyń qazirgi jetistikteri, elde qabyldanyp jatqan zańdar, normatıvtik-quqyqtyq aktiler, baǵdarlamalar men Elbasy jarlyqtarynyń barlyǵy Ata zań negizinen bastaý alyp otyr.

Jıyn barysynda qoldanystaǵy zańnamany jetildirý, quqyqty qoldaný praktıkasy jáne quqyqtyq mádenıetti damytý máseleleri talqyǵa salyndy.

Konferentsııa jumysyna ortalyq memlekettik organdardyń ókilderi, Parlament depýtattary, saıası partııalar men úkimettik emes uıymdar ókilderi, sarapshy-ǵalymdar, shetel dıplomatııalyq korpýsynyń ókilderi qatysty.