On aıda elimizde 10,7 mln sharshy metr turǵyn úı paıdalanýǵa berildi

NUR-SULTAN. QazAqparat - Osy jyldyń 10 aıynda 10,7 mln m² turǵyn úı paıdalanýǵa berildi, dep habarlaıdy QazAqparat QR IIDM baspasóz qyzmetine silteme jasap.

«2020 jyldyń qańtar-qazan aılarynda paıdalanýǵa berilgen turǵyn úı kólemi ótken jyldyń sáıkes kezeńindegi kórsetkishten 9,7% - ǵa artyq . «Nurly jer» baǵdarlamasy boıynsha jyldyq jospar qazirgi ýaqytta 75,8% - ǵa oryndaldy», delingen habarlamada.

Respýblıka boıynsha barlyǵy 94 737 turǵyn úı paıdalanýǵa berildi, onyń ishinde – 34 535 jeke úı. Ósim 15 óńirde baıqalady:
Shyǵys Qazaqstan (116,7%), Soltústik Qazaqstan (112,5%), Qaraǵandy (110,3%), Pavlodar (109,6%), Qostanaı (109,5%), Almaty (108,5%), Túrkistan (107,9%), Jambyl (107%), Batys Qazaqstan (102,7%), Aqmola (101,6%), Mańǵystaý (100,9%), Aqtóbe (100,5%) oblystary men Nur-sultan (154,6%), Almaty (103,6%) jáne Shymkent (103,1%) qalalary.
Turǵyn úıdi paıdalanýǵa berý kórsetkishteri qarqynynyń tómendeýi 2 óńirde baıqalady: Atyraý (88,4%) jáne Qyzylorda (91%) oblystarynda.