On aıda bıýdjetke 12,4 trln teńge kiris túsken

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaevtyń málimeti boıynsha, ótken 10 aıda bıýdjetke 12,4 trln teńge kiris túsken, dep habarlaıdy QazAqparat tilshisi.

«Memleket bıýdjetine transfertterdi esepke almaǵanda 12 trln 427 mlrd teńge somasynda kiris tústi nemese jospar (11 933 mlrd. teńge) 104,1% oryndaldy.

Respýblıka bıýdjetine 8,4 trln teńge shamasynda kiris (transfertterdi esepke almaǵanda) tústi nemese jospar 102,2% oryndaldy.

Kirister boıynsha jospar 179 mlrd teńgege artyǵymen oryndaldy, onyń ishinde salyqtar - 89 mlrd teńgege, salyqtyq emes kirister – 90 mlrd teńgege asyra oryndaldy», - dedi mınıstr.

Sondaı-aq ol salyqtar boıynsha asyra oryndaýdyń negizgi somasy qosylǵan qun salyǵyna tıesili ekenin atap ótti.

Onyń basty faktorlary:

- ótken jyldyń osyndaı kezeńimen salystyrǵanda taýarlardy, jumystardy jáne qyzmetterdi ótkizý boıynsha aınalymdardyń 26% ulǵaıýy;

- qosylǵan qun salyǵyn qaıtarý somasynyń 19% tómendeýi;

- úshinshi elderden ımport kóleminiń 29% ulǵaıýy.

«Importtyq keden bajy, korporatıvtik tabys salyǵy jáne shıki munaıǵa salynatyn eksporttyq keden bajy boıynsha jospar oryndalmady», - dedi Erulan Jamaýbaev.