On aı ishinde teńgeniń AQSh dollaryna qatysty álsireýi 0,2 paıyz ǵana boldy - D.Aqyshev
ASTANA. 15 qarasha. QazAqparat /Marlan Jıembaı/ - On aı ishinde teńgeniń AQSh dollaryna qatysty álsireýi 0,2 paıyz ǵana boldy.
Bul týraly búgin Úkimet otyrysynda QR Ulttyq bank tóraǵasynyń orynbasary Danııar Aqyshev málim etti.
Aǵymdaǵy jyly Ulttyq bank basqarylatyn ózgermeli valıýta baǵamy rejimine kóshkenin atap ótken ol: «qazir valıýta naryǵyndaǵy ahýal turaqty. Tutastaı alǵanda, on aı ishinde teńgeniń AQSh dollaryna qatysty álsireýi 0,2 paıyz ǵana boldy», - dedi.
Onyń atap ótýinshe, teńgeniń turaqtylyǵyn odan ári ustap turýǵa múmkindik jetkilikti.
