Omyrtqasy qısaıǵan aqtóbelik jasóspirim Ońtústik Koreıada tegin emdelip jatyr

Ońtústik Koreıanyń dárigerleri buǵan deıin týa bitti sal aýrýyna shaldyqqan 2 jasar aqtóbelikke em júrgizdi.  Bul joly jasóspirimniń sırek kezdesetin dertin emdeýge kelisim berdi.

«Oblys ákimi Berdibek Saparbaevtyń bastamasymen óńirde «Baqytty bala» jobasy iske asyrylyp jatyr. Astana qalasynyń 20 jyldyǵy men Aqtóbedegi Balalar jylyna arnalǵan is-sharalardan medıtsına salasy da tys qalmaı, qoldan keler bar kómegin berip jatyr. Máselen, taıaýda tórtinshi bala Ońtústik Koreıaǵa jiberildi. Jol shyǵyny, emniń bárin koreıalyqtar qamtamasyz etip otyr. Tegin em derti aýyr, sozylmaly naýqastarǵa júrgiziledi. Sonymen qatar, biz Túrkııamen de kelisim júrgizip jatyrmyz. Osy ádispen taǵy 5 balany emdegimiz keledi»,- dedi oblystyq densaýlyq saqtaý basqarmasynyń basshysy Áset Qalıev.

Ońtústik Koreıadaǵy Sınchon Severans klınıkasy 17 jastaǵy jasóspirimdi óz qamqorlyǵyna aldy. Dana Bekbasarovanyń boıyndaǵy dert 2014 jyly medıtsınalyq tekserýde alǵash ret anyqtalǵan. Omyrtqasy qısaıyp ketken jasóspirim massaj alyp, túrdi dene jattyǵýyn jasady. Astana, Aqtóbedegi ortopedterdiń qaraýynda bolyp, júıeli em qabyldaǵan soń sheteldik dárigerlerge kórsetildi.

«Balalardyń boıyndaǵy asa aýyr dertti Aqtóbege kelgen sheteldik dárigerlerge kórsetip alamyz. Olar qarap, ata-analarǵa balany emdeý jolyn aıtady, kútimin túsindiredi. Al Ońtústik Koreıa Aqtóbedegi medıtsınalyq klasterdi damytýǵa kómeksetetin seriktes el. Alǵashynda búırek, baýyr aýystyrý otasyn jasaý joldaryn úıretti. Aldaǵy ýaqytta birneshe ortalyqty salyp, dárigerlerdi daıyndaý jáne birlesken ota jasaýdy jalǵastyrady. Qalqansha bezine de em jasap jatyr. Aqtóbelik dárigerler Koreıaǵa baryp, tájirıbe jınap júr»,- dedi Áset Qalıev.

Eske salsaq, 2017 jyly Ońtústik Koreıanyń birneshe kompanııasy men Aqtóbe birneshe memorandýmǵa qol qoıdy.