«Ómirge ǵashyqpyn»: Tolqyn Zabırova tyńdarmandaryna tosynsyı daıyndap jatyr

ASTANA. KAZINFORM – Tolqyn Zabırova ánsúıer qaýymdy «Ómirge ǵashyqpyn» atty shyǵarmashylyq keshine shaqyrady. Estrada jáne opera ánshisi bul joly tyńdarmandaryna erekshe tosynsyı daıyndaǵanyn aıtady. 

– Kontsertte buryn este qalǵan, hıtke aınalǵan, halyqtyń aýzynda júrgen ánderdiń kóbi bolady. Biraq 70 paıyz jańa ánderdi engizip jatyrmyz. Onyń ishinde zamanaýı ánder de bar. Neo-klassıka baǵyttaryndaǵy ózim alyp júrgen ánderimdi shyrqaǵaly jatyrmyn. Ázirge ol qupııa bolyp qalsyn. Keletin tyńdarmanǵa osyndaı tosynsyı jasaǵaly otyrmyz, - deıdi Qazaqstannyń eńbek sińirgen qaıratkeri.

Ánshi jas ónerpazdarmen de birlesip jumys istep jatqanyn jetkizdi.

– Kontsertte menimen birge óner kórsetetin áriptesterim Baǵym Mýhıdınova, Jámılá Serkebaeva, Jubanysh Jeksenuly bolady. Jastardan Turar atty daryndy ánshini shaqyrdym. Bul men úshin jańa eksperıment boldy. Negizinde men óz kontsertterime bulaı syrttan ánshilerdi shaqyrǵan emespin. Buryn shákirtterimdi shyǵaratyn edim. Óıtkeni, olarǵa da demeý berip, qoldaý kórsetkim keldi. Aýdıtorııada teorııalyq jaǵynan sabaq ótip, túsindirý bir bólek. Sahnaǵa alyp shyǵyp, praktıkalyq turǵydan ustazymen birge óner kórsetken – árıne, ol keremet dúnıe. Biraq bul joly kishkene ózgerek bolsyn dedim, - deıdi Tolqyn Zabırova Jibek Joly arnasynyń «Búgin LIVE» baǵdarlamasyna bergen suhbatynda.

Aıta keteıik, «Ómirge ǵashyqpyn» kontserti 17 qazanda Almaty qalasyndaǵy Respýblıka saraıynda saǵat 19:30-da bastalady. Al astanalyq turǵyndar men qala qonaqtary 23 qazan kúni saǵat 19:00-de Beıbitshilik jáne kelisim saraıynda tamasha keshtiń kýási bola alady. 

Buǵan deıin Dımash Qudaıbergenniń Nıý-Iorktiń áıgili Madison Square Garden arenasynda jeke kontsertin bergeni týraly habarlaǵan edik.