«Ómirden ótetinin túsinde kórgen»: tanymal mýzykant ushaq apatynan qaıtys boldy
ASTANA. KAZINFORM – Kolýmbııada ushaq apatynan alty adam qaza tapty. Onyń ishinde tanymal mýzykant Ieısona Hımenesa (Yeison Jiménez) bar, dep habarlaıdy Anadolu.
Boıaka departamentiniń Paıpa qalasynan Medelınge qaraı ushqan ushaq kóp uzamaı apatqa ushyraǵan.
35 jastaǵy tanymal mýzykant Ieıson Hımenes Medelınge kontsertke bara jatqan. Onyń ólimi mıllıondaǵan kolýmbııalyqtardyń qaıǵysyna sebep boldy.
Apatqa deıin shamamen 20 kún buryn Ieıson Hımenes telebaǵdarlardyń birinde ushaq apaty týraly birneshe ret tús kórgenin aıtqany belgili boldy.
– Men úsh ret ushaq apatyna ushyraǵanymyzdy túsimde kórdim. Ushqyshqa baryp, oǵan ushaqty keri burýdy aıtýym kerek boldy. Túsimdegi ushqysh: «Aıtqanyńyz jaqsy boldy, óıtkeni birdeńe durys emes boldy», - dep jaýap berdi. Tústerimniń birinde bizdiń qaıtys bolǵanymyzdy kórdim jáne bul týraly jańalyqtarda aıtyldy», - degen mýzykant buǵan deıin teledıdarda aıtqan sózinde.
Ieıson Hımenes 1991 jyly Kaldas shtatynyń Mansanares qalasynda dúnıege kelgen. Ol «Aventurero», «Vete» jáne «Mi venganza» sııaqty hıtterimen tanymal boldy.
Buǵan deıin Kolýmbııada mektep avtobýsy apatynan 17 oqýshy qaza taýyp, 20-sy jaraqat alǵanyn jazǵan edik.